“Rekomendasaun KRAM nia ba Prezidente Repúblika mak iha momentu ida ne’e laiha oportunidade ba arte marsial tolu ne’ebé taka ne’e atu loke fali. Inklu tenke foti desizaun klaru ba orgaun ka instituisaun Estadu nian liu-liu sira ne’ebé envolve direta iha arte marsial ne’e ho desizaun ne’ebé rigor”, tenik Representante KRAM, Nélio Isaac Sarmento, iha Palásiu Prezidensiál Bairru-Pité, Segunda (22/4).

Komisaun reguladora arte marsial mós husu Governu atu kria fasilidade ba arte marsial sira, hodi nune’e bele sai hanesan desportivu sira seluk.

“Husu ba governu atu kria fasilidade ba grupu arte marsial ba sira ne’ebé eziste no ba sira ne’ebé la eziste hodi sai hanesan desportiva nian.

Nélio hatutan, rekomendasaun sira ne’e KRAM hato’o ba Prezidente iha tinan sanulu nia-laran kona-ba fatús sira ne’ebé akontese.

“Rekomendasaun importante husi CRAM hato’o ba Prezidente mak tenke implementa lei númeru 5/2017 ne’e ho rigor”, tenik Isaac