Tuir Ministru Armindo Maia katak, dezastre natureza ne'ebé akontese, hanesan ministru labele halo buat ida, maibé kuandu iha estragus maka'as, bele apoiu fali kalen hodi rezolve.

"Tékniku sira ha'u orienta ona, sira ba ona halo levantamentu iha ne'ebá, depois sira fila fali mai mak ita haree to'ok," Ministru Edukasaun Juventude no Desportu (MEJD) Armindo Maia dehan iha edifísiu UNTL Politeknika Hera, Kinta (3/12).

Ministru ne'e afirma, anin boot, udan boot, bele ministru mós la halo buat ida.

"Se iha estragus, ita haruka kalen ba para hadi'a fali, maibé estragus boot liu ita hein tempu mak rezolve," Armindo dehan.

Entretantu udan no anin boot ne'ebé sobu Eskola Tékniku Vokasionál (ETV) Malibaka Yamato ne'e akontese horseik lokraik kuandu akontese udan no anin iha teritóriu Timor-Leste tomak.(*)