Ministru Ensinu Superior Siensia no Kultura (MESSK) Longuinos do Santos esklarese, komunidade afeitadu hamutuk 44 familias.
"Hahu segunda feira finaliza ona dadus ida ne'e, ba mos reklamantes sira no mos atu finaliza oinsa pagamentu ba sira", Nia dehan hafoin reuniaun Konsellu Ministru iha palasiu governu, kurta (16/12).
Maibe, Nia dehan, antes atu halo pagamentu ba komunidade afeitadu, sei analiza, kuandu hotu lori ba Konsellu Ministru par halo rezolusaun ida efini ninia kustu.
"Montante ita sidauk desidi, tanba sidauk defini rezolusaun ne'e iha Konsellu Ministru", Nia akresenta
Nia esplika, mekanismu indiminizasaun ba komunidade afeitadu, tuir lei indiminizasaun ba rai, ai-horis no uma.
"Iha buat tolu bele fo montante orsamentu, bele mos komunidade defini hela iha fatin ruma ne'ebe governu defini tuir sira nia tipu uma ne'ebe iha", tenik Nia
Nia mos dehan, kuandu komunidade afeitadu la aseita ho mekanismu rua ne'e, prosede ba justisa.
Nia relata, rai ne'ebe atu hari sidade universitáriu Aileu ne'e hamutuk 25 hektares.
Nia dehan, tinan 2021 halo prosesu rua, ida finaliza estudu viabilida, seluk mak halo indiminizasaun, finaliza hotu prosede ona ba konstrusaun.
"Total orsamentu sidauk defini, tanba estudu viabilida, BOQ dezenu sidauk iha", Nia informa. (*)