Ministru ne’e afirma, iha tinan 2020 fó ona bolsu estudu ba kbiit la’ek hamutuk na'in 910.
"Iha 2020 ne'e 910, mais ita nia meta ba 2023 ita hakarak atu atinji rihun 3", Longuinhos hateten lia hirak ne’e hafoin reuniaun Konsellu Ministru iha palasiu Governu, Kuarta (16/12).
Nia dehan, meta to'o tinan 2023 hakarak atinji rihun 3, entaun kada tinan tenke atinji rihun ida.
"2021 ita sei oferese 910 ba kbiit la’ek, ne'e ita koloka ba universidade hotu, tantu públiku no privadu, hanesan UNTL ho IPB hamutuk na'in 500, no ba universidade privadu 410", nia tenik. (*)