"Kona-ba inan aman sira kontribui osan US$0.50 ne'e, ida mak suporta mak hadi’a eskola, barak liu mak sei atende profesór voluntáriu sira, hanesan fó osan transporte ba sira labele badinas labarik (estudante) sira ne'e, kada fulafulan kontribui ne'e US$0.50 ne'e tau hamutuk depois eskola jere”, dehan Sergio iha Balide, kuarta (21/07).
Antes inan aman kontribui osan US$0.50 atu hadi’a eskola inklui selu profesór voluntáriu sira, eskola konvoka inan aman hodi halo enkontru halo konkordánsia ida, akordu asinatura kompletu.
Nune'e foin dadaun akontese inundasaun ne'ebé mosu iha loron 4 fulan-Abríl tinan 2021 ne'e, estraga sasán iha eskola 4 Setembru, nune'e antes reativa fali, eskola hala'o preparasaun hodi atende sira.
“Preparasaun eskola nian para oinsá atubele atende estudante sira, iha prosesu aprendizajen ohin ba oin, eskola nia kbi’it mak hadi’a eskola ne'e pinta filafali eskola atu sai naroman, no janela sira la di'ak tan ai sira ne'e lahuk”, dehan Diretór.
Nune'e estudante, Pedro Gomes kontente tanba ne'e ministru edukasaun reativa fila-fali aula prezensiál.
"Bainhira Ministériu Edukasaun fó sai katak, reativa filafali eskola ami sente urgullu, durante fulan hira nia laran, ami deskansa de'it iha uma ami la aprende buat ruma”, dehan nia.
Totál orsamrntu ne'ebé halo preparasaun ba hadi’a fali eskola ho montante US$12.000 mai husi kontribui inan aman inklui konsiénsia eskolar. Iha mós totál estudante iha ESG 4 Setembru hamutuk 4.155. (*)
