"Se estudante sira hakarak eskola favór ida la'o tuir protokolu ne'ebé mak iha, atu moras ne'e la bele sa'e, liliu ba universitáriu sira boot ona, bainhira la'o tuir protokolu ne'ebé mak iha no kazu ne'e la bele aas, bele loke eskola laiha problema", dehan nia iha Palásiu Sinzas, Kaikoli, segunda (13/09).
Bainira kazu hanesan iha fulan kotuk liuba loke eskola, hafoin komesa, eskola ida kazu pozitivu 50 alunu, ida ne'e hakarak ka lakohi tenke taka eskola atu prevene sidadaun mate nafatin ho Covid-19.
Enkuantu Ministra Saúde mós husu ba Ministériu Ensinu Superior Siénsia no Kultura (MESSK) atu loke fali eskola favór tenke la'o tuir protokolu saúde nian.
"Se la'e eskola loke semana ida de'it kazu ne'e aumenta eskola taka filafali de'it, hanesan ita halimar, imi dehan ami mak halimar la'e, imi mak halimar ho moras ida ne'e, kuandu kazu sa'e eskola taka, tanba ami la halimar ho ida ne'e", deklara Odete. (*)