Saudozu Ma'hunu nia-isin sai husi Igreja Katedrál Dili, loron tersa (28/09), maizumenus tuku 09:49, oras timor-leste.
Partisipa iha missa ne'e, Premiadu Nobel da Paz, José Manuel Ramos Horta, Xefe Estadu Maior Falintil-Forsa Defeza Timor-Leste (F-FDTL), Tenente Jenerál Lere Anan Timur, Vise Xefe Estadu Maior Falintil-FDTL, Brigadeiru Jenerál Falur Rate Laek, estrutura Komandu Polísia Nasionál Timor-Leste (PNTL), Ministru Asuntu Kombatente Libertasaun Nasional, Juli Sarmento "Metamalik", ho Sekretária Estadu Asuntu Kombatente Libertasaun Nasional (SEAKLN), Gil Costa Monteiro "Oan Soru", veteranu sira, nomós familia Saudozu nian.
Tuir observasaun www.tempotomor.com iha terenu nota, saudozu nia-isin, lori ho Carro Funerario, ne'ebé prepara husi Governu liuhusi Ministériu Solidariedade Sosial no Inkluzaun (MSSI), ho xapa matrikula 05.829 G.
Tuir ajenda, Saudozu Ma'hunu nia-isin sei rai iha moris fatin Laleia durante oras balun nia laran hafoin lori fila mai haloot iha Jardím dos Herois Metinaru, iha tuku 16:00 lorokraik, oras timor-leste. (*)