"Ha'u rasik ko'alia kona-ba ida ne'e, no dehan katak, Max Stahll nian hakarak ba oin hanesan atu prezerva no aumenta apoiu haforsa instituisaun CMSTL, bele nafatin hanesan memória ba Timor-Leste nomós ba nia servisu durante iha ne'e, mas importante liu ida ne'e bele rezerva hanesan rekursu espesial iha forma audiovisual kona-ba Timor nia istória", hatete Kaben Saudozu Max Stahl, Ingrid Bucens, hafoin hasoru malu ho PR Lú Olo ho Nia Espoza Cidália iha Palasíu Prezidensiál Bairopite, segunda (20/12).
Iha sorumutu ne'e, Prezidente Repúblika Francisco Guterres 'Lú Olo', mós apresia tebes ba família no saudozu Max Stahl nia servisu iha Timor-Leste desde kleur ona, nomós hanoin kona-ba Max Stahl no nu'udar família hanesan família ida oferese ninia apoiu.
"Ha'u ho Max Nia Oan ho família tomak ohin, simu konvite atu mai iha ne'e, hasoru sua eselénsia Prezindente, nomós nia fen Cidália atu simu nia kondolénsia nomós simu nia mensajen hanesan apoiu ba señór Max Stahl no ami família husi Estadu nomós husi povu Timor-Leste tomak no nia esplika mai ami sira-nia apresiasaun tebes ba Max nia servisu iha Timor desde kleur ona", haktuir nia. (*)
