“FAO servisu tinan barak ona iha Timor-Leste halo servisu fó apoiu iha área oioin iha agrikultura no peska hasa'e rejilensia adapta ba mudansa seguransa alimentar maibé FAO sei hakarak halo kontinua buat sira ne'ebé mak halo dadaun ona nomós sei suporta iha área seluk hanesan halo dijitalizasaun agrikultura mudansa klimatika pekuária”, dehan Rajendra Aryal ba jornalista sira hafoin hasoru malu ho Primeiru Ministru (PM), Taur Matan Ruak, iha palásiu Governu, kinta (10/03).
Tanba ne’e hasoru malu ho PM Taur bele hanesan primeira vizita kortezia hodi ko'alia kona-ba Kooperasaun FAO ho Governu Timor-Leste.
Alende ne'e, sei fó kapasitasaun no formasaun ba membru agrikultór no membru Governu sira área agrikultura nian.
“FAO mós halo kapasitasaun barak hamutuk ho Ministériu Agrikultura no peskas fó formasaun oioin iha setór agrikultura nian ba ofisiál Governu nian nomós halo formasaun ba ita-nia agrikultura iha área ne'ebé ohin temi ona e ami kontinua halo ida ne'e ba futuru ho kolaborasaun metin liután ho Governu Timor-Leste”, afirma nia. (*)
