Tuir informasaun ne'ebé www.tempotimor.com asesu iha pájina Sekretária Estadu Kooperativa, kuarta (16/03), ne'e SEKOOP husu ba responsabiliza programa komisaun rekuperasaun Ekonomia Sesta Bázika atu atualiza baze dadus agregadu família iha Munisípiu ualu (8).
“Husu ba komisaun atu aktualiza baze dadus agregadu família sira iha Munisípiu Ualu (8) ne'ebé responsabiliza husi SECOOP, hanesan, Suai, Ainaro, Aileu, Manufahi, Manatuto, Baukau, Lautein, no Vikeké nian, prepara mós kalendáriu no planu ba oin”, dehan Sekretária Estadu Kooperativa, Elizario Ferreira, iha Sala Reuniaun Akait, segunda (14/03).
Objetivu reuniaun ne'e, ko'alia kona-ba atu asegura konfiansa husi Parlamentu Nasionál liliu kona-ba distribuisaun Sesta Bázika.
Partisipa iha reuniaun ne'e hanesan Prezidente Komisaun Sesta Bázika, Tomas Gusmão ho ninia estrutura tomak, nomós asesor sira. (*)