“Ohin Konsellu Ministrus aprova projetu Rezolusaun Governu, hodi fó apoiu osan millaun ida kada tinan ba atividade G7+ nian”, dehan Ministru Prezidénsia Konsellu Ministru (MPKM), Fidelis Leite Magalhaes, ba jornalista sira iha Palásiu Governu, kuarta (14/03).

Haree ba objetivu husi projetu rezolusaun ne'e Governu Timor-Leste no G7+, atu kontribui ba atividade sira G7+ nian.

Ba apoiu ne’e Governu sei fó entre tinan 2022 no 2027, ho montante dolar amerikanu millaun ida kada tinan.

Ho subsídiu ne’e tenke uza ba promosaun kooperasaun nian entre Estadu-Membru no ba finansiamentu despeza funsionamentu g7+ no ba organizasaun reuniaun ministeriál anuál. (*)