“Tempu ida ke edekuadu liliu oinsá atu aselera buat hotu ne'ebé mak ita presiza para bele serví povu di'ak liután hanesan projetu prioridade sira infraestrutura nian, estrada, ponte, ita hatene katak ita presiza halo rekoperasaun ba impaktu kalamidade, e mais importante maka oinsá atu halo esforsu para bele prevene impaktu kalamidade ne'e ba tinan oin sei la akontese boot liután”, dehan nia iha Palásiu Prezidensiál Bairopite, tersa (22/03).
Tanba udan ne'e sei mai tinan-tinan, maibé oinsá mak tenke iha esforsu para oinsá halo prevensaun, ida ne'e mak MOP hanoin servisu barak ne'ebé sei halo iha tinan ida ne'e nia balun
“Ne'ebé oituan tan ha'u sei ba enkontru ho kargu xefia sira iha ministériu e ha'u agradese katak bele iha oportunidade para bele servisu hamutuk ho diretur, staff sira hotu iha ne'ebé, oinsá ita kolobora ba malu para bele serví ita-nia povu di'ak liu”, informa nia.
Durante nia mandatu sei halo rekoperasaun ba impaktu Kalamidade sira iha loron 4 fulan-abril tinan 2021.
“Hanesan ha'u ohin dehan, ha'u-nia prioridade mak oinsá atu halo rekoperasaun ba impaktu kalamidade sira nomós halo prevenesaun, rua ne'e mak importante, depois ita iha projetu seluk tán, investimentu husi liur buat sira ne'e”, esplika nia.
Hafoin haree projetu prioridade sira hanesan estrada ba Sarlala ne'e pertinente, haree tok estrada iha kapitál munisípiu balun hanesan Maliana, Ainaro, husi Gleno ba Ermera ne'e prioridade sira. (*)