Loja na'in Gemea Aitara, Bernardo Domingos Guterres, hatete, fós ho marka Furak liu, kilo 25 dadaun folin US$13,50, kilo 30 US$16,50, marka Vitória kilo 25 US$ 14,25, kilo 30 US$ 17, fós marka Globus kilo 25 folin US$14 ba kilo 30 folin US$15,50 cent, fós marka Gostu los kilo 25 folin US$14.
Nune’e mós, folin mina ho marka linsia jerenken litru-5 folin US$9 dolár, mina marka Gostu los litru 4,5 folin dós-ida folin US$ 3,50 cent, tanba folin iha Dili sa'e.
"Iha tinan kotuk sa'e mais oituan, agora sa'e makas, sira (empreza) nia alansa iha indonesia stock mamuk, depois dehan estadu indonésia la autoriza mina tama mai, fós tama husi vietman maioria iha Dili laran, mais sa'e makas liu mak mina," dehan Bernardo ba www.tempotimor.com iha vila nova baukau, tersa (29/03).
Folin supermi marka sedaap uluk dos-ida folin US$4,50 cent no manu tolun rak-ida US$5,50 cent iha merkadu Baukau, maibé dadaun folin sa'e.
"Sedap agora sa'e makas, ami fa’an iha ne'e, US$8,50 cent, tanba iha Dili balun US$8,25 cent no US$8 dolár, manu tolun mós agora sa'e makas, uluk iha Railaku (ermera) folin US$40-resin, agora sa'e ba US$80, ne'ebé ami fa’an iha ne’e US$82 ou 83 ba dós-ida, ba rak ida agora US$7,50," nia hatete
Hanesan sampoh, rinso, masin, masako presu mantein, tanba masako dos-ida folin nafatin US$ 20,50 cent no masin dós-ida US$8,50 cent.
"Sabaun lifeboy agora folin sa'e oituan, uluk dós-ida iha Dili US$27, ami mai fa’an iha ne'e US$29, agora iha Dili kona ona US$29, maibé stock lai," nia hatete
Antes ne'e, iha Dili susu enak dós-ida folin US$27, maibé dadaun hahú sa'e ba US$30, tanba ne'e iha Baukau hasa’e folin ba US$31.
Alende ne’e, folin trigo uluk iha Dili US$16, maibé agora sa’e US$17 no fa’an fali iha Baukau folin US$17,50 cent.
Nune'e, parte loja mateus vila antiga, Canijo Francisco da Silva hatete, folin sasan bázika iha merkadu Baukau sa'e, tanba iha Dili mós folin sa'e.
"Sedaap goren ne'e presu sa'e makas, uluk US$6,50 cent, agora sa'e ba US$8 dós-ida, mie goren sira ne'e dós-ida US$6,50 nafatin," nia dehan
Konsidera folin sasan bázika sa'e, sei fó impaktu ba povu kbi'it la'ek ne'ebé laiha natar no to'os depende ba fós no mina inportadu. (*)