"Tuir lolos ne'e, ema nia direitu ita tenke fó lalais, ne'ebé agora iha hela Autoridade APORTIL ip, konsellu ida tuan ne'e ezonera ona, agora ho Prezidente membru konsellu foun espera sira bele fó solusaun tuir regra i asegura atendementu públika," dehan nia iha Aeroportu Baukau, kinta (07/04).

Tanba, pagamentu ba ró transship II sai polémika iha tempu Autoridade Portuariu APORTIL.ip sesante nian.

"Ida ne'e ha'u hanoin situasaun pasadu, iha ne'eba Autoridade portuaria APORTIL, ip durante ne'e sai polémika ida boot, mais importante liu mak prosesu ne'e la'o, ne'e kontratu públiku dever Governu nian par kumpri fó ema nia direitu, karik iha prosesu ruma pasadu la'o la duun diak liga ho ida ne'e, prontu ema mak ba hatan, responsavél perante lei," nia hatete

Kontratu públiku ba ró transihp II, komitmentu Governu nian atu evita impaktu boot, tanba membru Governu servisu tuir regra hodi defende interese estadu nian, maske iha problema, maibé nafatin iha vontade hodi fó solusaun.

"Parte hotu, Parlamentu depois Governante sira inklui ha'u nu’undar jerente estadu nian, oinsá mak asegura interese estadu, asegura konektividade, tantu transporte aero, maritima, terestres, ne'e papél importante lei atribui kompetensia ba ministru transporte komunikasoens parte sorin rekolla reseita ba kofre estadu," nia hatete

MTK rekoñese Timor-Leste nu’undar nasaun foun iha dezafiu barak, maibé importante atendementu ba públiku tenke la'o di'ak. (*)