“Ita hotu hatene kafé hanesan komuniti ida ne’ebé tinan naruk hanesan cash crop ba Timor-Leste ne’ebé hatama osan $27 milhões entermus de importasaun ninian ne’ebé produsaun kafé nian tun tebetebes, populasaun ne’ebé serbisu iha kafé ne’e mós boot tebetebes 27,5% husi uma-ka’in sira Timor serbisu depende ba kafé ne’e siknifika ema rihun-atustolu-resin mak defende nia vida iha kafé entaun se rendimentu ne’e rasik ba kafé ladi’ak, sira bele hola parte boot iha liña pobreza ninian. Ita-boot sira hatene toos na’in kafé ida ohin loron tinan ida nia hetan 160 ital to’o 200 ital dolar iha tinan ida nia laran entaun iha loos liña pobreza nian okos tanba ne’e tenke halo intervensaun estraordináriu ida iha kafé,” dehan Sekretáriu Estadu Ambiente, Demétrio ba Jornalista sira hafoin sorumutu ho PM Taur ha Rezidénsia Ofisiál Faról, segunda (25/04).
Tanba Primeiru Ministru konvida SEA ho Vise Ministru Agrikultura hodi diskute kona-ba definisaun no programa ba orsamentu ne’ebé sei hatama iha retifikativu ne’ebé iha loron ida rua sei finaliza espesialmente iha relasaun área serbisu agrikultura no ambiente ninian, iha área ne’ebé Governu presiza hadi’a.
Vise-Ministru Agrikultura Peskas, Abílio Xavier de Araújo hatete, ho enkontru ne’e atu haree asuntu importante balun no atu haree hikas ba kotuk buat ne’ebé vida agrikultura hasoru haree populasaun sira moris iha ekonomia ida ne’ebé mak lentu, entaun aprezenta mós estratéjiku balun ne’ebé mak bele halo mudansa oituan iha preparasaun orsamentu retifikativu ninian atu nune’e haree sekunda tan meius balun iha agrikultura liliu kafé atu ajuda inan sira-nia ekonomia iha moris loroloron nian.
Entretantu Asaun ne’ebé sei halo mak ba planta kafé nian, tarjetu 20% ba área kafé iha Timor ninian kuaze hektare rihun-11 reabilitasaun kafé, segundu valorizasaun ba ai sira ne’ebé moris iha asosiadu ho kafé hanesan ai samatuku no ai-kakeu sira, rua ne’e hamutuk nia kustu bele to’o dolar amerikanu millaun 6. (*)
