Iha enseramentu ne'e, SEKOOP husu ba Inspetór no formandu ne'ebé tuir formasaun iha área refere liliu iha lideransa kona-ba integridade nian.

"Ha'u mós delegasaun hela ba inspetór ho subordinandu sira atu halo nafatin planu para ba formasaun nafatin maibé ha'u mós delega ba inspetór atu halo mós formasaun ema bolu dehan lideransa ne'ebé integridade, tanba desizaun ne'e iha liderasaun sira, lideransa ida nia desizaun ladún di'ak afeita ba organizasaun ninia funsionamentu”, dehan Elizário Ferreira iha enseramentu ba formasaun área integridade iha Railaku, sesta (29/04).

Bainhira assume kargu ruma hanesan responsabilidade ida iha organizasaun presiza iha liderasun ida ne'ebé mak forte fuan boot hodi hasoru situasaun hotu iha vida organizasaun.

“Tanba saida mak integridade ida ne'e moris fali?. Integridade ida ne'e dezenvolve filafali tanba buat tolu, ida katak iha liderasnsa ida ne'ebé nia iha konsistente atu defende saida mak nia halo ida seluk nia prontu atu assume responsabilidade iha situasaun ida ke ladún di'ak ba nia e terseiru mak nia integridade mosu fali tanba iha tempu konflitu ne'e integridade ne'e sai baze ba lideransa ida tanba ida ne'e liderasaun ida integridade presiza tebetebes iha organizasaun ida laran”, haktuir nia.

Tanba organizasaun ida nia kuandu lakon integridade iha organizasaun nia laran entaun organizasaun ida sei la funsiona ho di'ak.

“Iha vida organizasaun lideransa ne'e hanesan ai ida nia iha dikin liu udan mai kona uluk nia loron mai kona uluk nia anin mai baku uluk nia railakan mai tau uluk mak nia tanba nia lideransa”, afirma nia.

Inspetór Gabinete Inspesaun Auditóriu SEKOOP, Henrique de Oliveira Ximenes hatete, iha formasaun ne'e konsege ezekuta atividade to'o pursentu 90.

“Ha'u mós hakarak relata ba sua eselénsia planu ne'ebé ita-boot aprova, iha disponibilidade ha'u bele dehan katak kuaze pursentu 90 oradór, sira mai kompletu hotu, nesesita duni ami-nia koñesimentu para ba arendamentu públiku no administrasaun públiku”, dehan nia.

Ba formasaun ne'e hala'o durante loron lima, ne'ebé koopera ho insitituisaun Estadu hanesan Komisaun Anti Korrupsaun (KAK), Inspetór Jerál Estadu, Tribunál Kontas, Komisaun Funsaun Públika no mós Provedória Direitu Umanu no Justisa (PDHJ).

Tanba ne'e mak lideransa laiha integridade fuan la forte, atitude la forte hatan sira ne'e nia bele hasoru problema ba nia-an rasik entaun lideransa ne'e tenke forma bebeik.

Iha atividade ne’e hetan oartisipasaun husi formandu sira mai husi instituisaun SEKOOP hamutuk ema na;’in-25 durante loron lima. (*)