“Objetivu husi pedidu autorizasaun lejizlativa nian ne’e ba Parlamentu Nasionál atu elabora lei moderna ida kona-ba Rekuperasaun no Insolvénsia, hanesan elementu esensiál ba kreximentu tesidu ekonómiku no investimentu país nian”, dehan Ministru Prezidénsia Konsellu Ministru (MPKM), Fidelis Manuel Leite Magalhães, iha Palásiu Governo, kuarta (25/05).

Tanba nesesidade ida-ne’e mai husi intensaun Governu Konstitusionál daualu atu transforma baze ekonomia timoroan nian hodi hasa’e reziliénsia no potensiál kreximentu, apoia no rezolve situasaun empreza sira-nian ne’ebé iha situasaun finanseira difísil, maibé sei iha kondisaun ekonómika atu la’o.

Aleinde ne’e, atu fó resposta ba ezijénsia sira kona-ba integrasaun ba ÁZEAN no Organizasaun Mundiál Komérsiu (OMK) ho kuadru lejizlativu ida ne’ebé reponde ba nesesidade sira país nian no ba kompromisu ne’ebé asume iha ámbitu internasionál. (*)