Sekretáriu Estadu Kooperativa (SEKOOP), Elizário Ferreira hatete, objetivu husi formasaun ne'e oinsá mak aprende kona-ba rai no buka osan gasta osan sira.
“Objektivu husi formasaun ne'e mak, formandu aprende liu kona-ba oinsá atu buka osan, gasta osan, no poupa osan, hodi nune'e sai hanesan bukae ida, bainhira tun baze karik fahe tutan ba dirijente Kooperativa sira iha área rural”, esplika Elizário Ferreira iha Salaun Federasaun Hanai Malu, Lanud, Bairropite, kuarta (25/05).
Alende ne'e nia husu ba formandu sira aproveita iha formasaun ne'e hodi bele fahe tutan ba membru no dirijente Kooperativa sira hotu ne'ebé mak rejista ona iha SEKOOP.
“Imi tenke aproveita didi’ak formasaun ne'e, hodi nune'e fahe tutan fali ba Movimentu Kooperativa sira iha baze, no husu mós ba BCTL atu kontinua fasilita formasaun ho modelu hanesan ba dirijenti Movimentu Kooperativa sira iha kada rejiaun”, dehan nia.
Ba formasau ne'e hala'o durante loron tolu nia laran hahú loron segunda- to'o kuarta (23-25) fulan-maiu tinan 2022, iha Salaun Federasaun Hanai Malu, Lanud, Bairropite, Díli.
Prezensa iha seremónia ne'e mak hanesan, Vise Governadóra BCTL, Nur-Aini Alkatiri, Diretór Jerál Promosaun no Dezemvolvimentu Kooperativas, Francisco Xavier, Diretora Jerál Administrasaun Finansas no Planementu, Nátalia Rocha da Costa, Diretora Nasionál Edukasaun, Formasaun no Informasaun, Jacinta dos Santos, nomós formadór sira husi BCTL. (*)