Tuir informaasaun ne’ebé www.temotimor.com asesu iha pájina MTKI, kinta (02/06) katak, Embaxadór Austrália William Terrence Costello halo vizita kortezia ba MTKI iha loron kuarta (01/06) informa ba Ministru Turismu Komércio no Indústria, José Lucas do Carmo da Silva, kona-ba aviaun Qantas ne’ebé dadaun ne’e semo mai Timor-Leste iha ona susesu no kompaña Qantas hatene ida ne’e no buka atu hadi’ak liutan ninia servisu hodi lori turista mai Timor-Leste.

William Terrence konsidera Timor-Leste nu’udar fatin furak no kapas tebes nune'e MTKI presiza dezenvolve sitiu turistiku iha teritóriu laran.

“Australia prontu atu apoiu ba merkadu kafé no Austrália atu esplora no dezenvolve Indústria manufatureira nune'e bele oferese servisu ba Timoroan sira”, afirma Costello.

Ministru Turismu Komércio no Indústria, José Lucas do Carmo da Silva, mós agradese ba Austrália ne’ebé fó nafatin atensaun ba área turizmu no MTKI sei dezenvolve setór turizmu nunee bele dada turista mai Timor-Leste.

Ba Timor-Leste sei iha kapasidade ne’ebé Ki'ik atu esplora no dezenvolve Indústria maibé Austrália atu apoiu dezenvolve nu’udar oportunidade di’ak ida ba Timor-Leste.

Iha ne’e Embaixadór mós informa katak, Komisaun Teritório Norte (Darwin), sei vizita Timor-Leste atu haree kona-ba área agrikultura, sea foods (prosesamentu ba hahán husi tasi) no Turizmu iha Timor-Leste. (*)