Tuir informaasaun ne’ebé www.temotimor.com asesu iha pájina MTKI, kinta (02/06) katak, Ministériu Turismo Komersiu no Indústria (MTCI) hamutuk ho parseiru UNDP lansa ona segunda faze Kompetisaun Negósiu Inovativu iha loron 27 Abril 2022.
Kompitisaun inovativu ne'e nia objetivu atu enkoraja joven emprendedorizmu sira hodi hamosu idea diferente, úniku no inovativu relasiona ho negósiu sosiál husi setór sira hanesan agrikultura no peskas, turizmu, manufatureira, produsaun ai-hán, teknolojia nomós setór sira seluk ne’ebé iha valór ekonómiku ás hodi kontribui ba solusiona problema komunidade.
Iha faze semi-finál ne’e halo ona selesaun ho rigourozu husi kandidatu joven inovativu 25 pesoál husi panelista tolu kompostu husi MTKI, Embaixada Nova Zelándia no Instituto de Apoio ao Desenvolvimento Empresarial (IADE).
Rezultadu finál husi selesaun ne’ebé deside ona tuir kompozisaun valór husi ekipa juri anunsiu na’in-sanulu (10) mak pasa ba faze finál.
Lema husi programa nee mak ‘Promote Skills for Tomorrowby Shaping and Enhancing Youth Entrepreneurship to Contribute to the Sustainable Economic Growt’. (*)
