“Prezidente kontente kuandu nia rona ami-nia esplikasaun, difikuldade sira ne'ebé ami hato'o, nia sei uza ninia kompeténsia hanesan Prezidente bele influénsia parte sira ne'ebé interligadu ho preokupasaun sira ne'ebé ami hato'o”, dehan nia hafoin audénsia ho PR Horta iha Palásiu Prezidensiál Bairo Pite, kuarta (22/06).
Tanba Prezidente Republika ema tau prioridade ba setór bankária desde uluk seidauk asume kargu Prezidente Repúblika sempre tau atensaun oinsá ajuda setór privadu nune'e bele haree ekonomia iha Rai laran la’o di’ak.
Audénsia BNCTL hala'o ho Xefe Estadu mós ne'e nu’udar inisiativa husi Prezidente rasik, hodi bolu Prezidente Konsellu Administrasaun BNCTL ho orgaun sosiál BNCTL nian hodi reuniaun ho para ron hanoin oinsá mak estadu bele hatene liu setór bankária.
Ko'alia kona-ba setór bankária ne'e la’ós BNCTL maibé iha mós setór bankária seluk ne'ebé mak ejiste iha Timor-leste. Tanba ne'e Prezidente Repúblika hakarak tebes hatene liu saida mak setór bankária nia presiza atubele kontribuisaun ba dezenvolvimentu ekonomia ho dezenvolvimentu nasionál.
“Ida-ne'e mak ohin ami mai ko’alia ho na'in Prezidente no na'in Prezidente rona ami-nia atualizasaun, rona ami-nia progresu liuhusi BNCTL ho mós banku sira seluk ne'ebé iha Timor ne'e oinsá sira mobiliza fundu ne'e oinsá sira kapitaliza fali ekonomia ne'e oinsá”, afirma nia.
Iha reuanaun ne'e BNCTL rasik atualiza mós difikuldade saída mak durante ne'e enfrenta intermu oinsá mak bele investe liután ba ekonomia no sasán sira ne'e.
“Ita espera katak iha tempu badak instituisaun sira ne'ebé iha papel no iha kna’ar atu halo sasán sira ne'ebé nia iha ne’e sira halo ba, ke laiha karik na’i Prezidente bele fó hanoin para ita-nia banku ne'e bele forti liután, la’ós BNCTL de'it maibé mós banku iha Timor bele sai instituisaun ida ne'ebé bele halo operasaun mais seguru no kofortavel”, esplika nia.
Tanba hanesan ne’e mak bele halo nia papel intermediáriu finanseiru, halibur kliénte sira-nia osan ne'ebé sira seidauk presiza, no rai hanesan (tanbunggan) hodi fahe filafali ba kliénte sira seluk ne'ebé hakarak kréditu atu nune'e bele iha Kapitál halo dezevolmentu ekonomia iha rai laran. (*)
