Tuir informasaun ne’ebé www.tempotimor.com asesu iha pájina MTKI, kuarta (29/06) katak, Vise-Ministru Komérsiu no Indústria (V-MKI), Domingos Lopes Antunes, halo audénsia ho Vise Ministru Finansas, António Freitas, ho ekipa tékniku hodi ko'alia Kona-ba Inisiativa implementasaun politika fasilitasaun komérsiu ne’ebé mak kobre, rezolusaun komisaun nasional fasilitasaun komérsiu ho nia Sekretariadu ne’ebé mak sei administra konjuntamente husi MTKI no MF, finalizasaun esbosu dekretu-lei regras de origem, no ko'alia kona-ba Inisiativa polítika alinhamento “ASEAN Harmonize Tariff Nomenclature” ho Kódigu Aduaneira Timor-Leste nian.
Iha sorumutuk ne'e la’o di’ak tebes-tebes no parte rua sei servisu hamutuk ho intensivu hodi finaliza diploma no hahú nia implementasaun.
Ho ekontru ne’ebé realiza hetan partisipa husi, Domingos Mesquita, (Assessor Tekniku ADB iha Gabinete V-MKI), Davida Mesquita (Assessora V-MKI) no Diretór Jéral Mobilizasaun Rekursus, Francisco da Silva (MF) nomós tékniku sira husi Gabinete Vise Ministru Finansas nian. (*)