“Tuir kalendáriu ne’ebé ita konsegue hetan akordu no konkordánsia ho OMK, sei ita kumpri rekezitu hotu, tinan oin ita bele sai membru ba OMK. Tanba ne’e mak kalendáriu fó ba ita, no ita sei iha enkontru grupu traballu dala 5 no ita kumpri ona dala 3 halo iha Jenebra no ita sei iha dala 2 tan, sei iha Setembru ba dala 4, tanba ekontru sira ne’e nia rezultadu sei relata ba reniaun grupu traballu iha Setembru”, dehan  Ministru Joaquin hafoin reuniaun ho Primeru Ministru, Taur Matan Ruak iha Palásiu Governu, tersa (05/07).

Ho ida-ne’e fulan-setembru sei prepra esbosu relatóriu atu ba hetan aprovasaun iha reuniaun grupu traballu iha fulan-dezembru, no sei relatóriu asembleia aprova, iha fevereiru ho marsu Timor-Leste bele hetan nia estatutu hanesan membru OMK.

Timor-Leste hanesan nasaun ne’ebé ki’ik maibé presiza tama iha Sistema Organizsaun Mundiál Komérsiu nian importante, bainhira Timor lori produtu ba merkadu internasionál mak hetan problema, iha organizasaun ida ne’ebé mak iha hodi proteje.

“Hanesan pais ki’ik, ita mós partisipa iha OMK ninia sistema, ita-nia produtu sai ba liur, ita iha difikuldade ho pais membru sira ita pelemenus iha organizsaun boot ida ne’ebé bele proteje ita, kunadu ita lori ba tribunál arbitajem atu proteje ita-nia direitu. Ita integra iha sistema komérsiu internsionál bele ajuda ita, mesmu situasaun difísil, ita iha asesu atubele hetan direitu no tratamentu komérsiu ne’ebé igual ho pais sira seluk ne’ebé iha liu kbi’it ekonomia”, hatete Joaquin.

Alende ne’e mós Timor-Leste nian adezaun ba organizasaun mundiál Komérsiu, iha fulan-jullu nia laran, delegasaun altu nível husi Sekretariadu OMK ho Prezidente Grupu Traballu Timor-Leste ninian ba iha adezaun OMK sei vizita Timor-Leste huhú iha loron 10 to’o 17.

“Iha periodu vizita sei hasoru ita nia orgaun soberania sira, liliu Primeiru Ministru, Prezidente Repúblika, Parlmentu Nasionál, no setór sira hothotu ne’eb’e envolbe atubele rona mós sira-nia apoiu, no fahe mós informasaun kona-ba progresu sira ne’ebe ita-nia prezidente grupu de traballu ne’ebé servisu fó apoiu boot ba ita-nia adezaun atubele atualiza servisu sira ne’ebé iha”, esplika nia.

Nune’e mós iha vizita ne’e sei iha komferénsia ida, ne’ebé sei halo hamutuk ho ASEAN, sei envolve mós peritu sira-nia matenek no sira-nia hanoin kona-ba adezaun Timor-Leste ninian ba OMK.

“Tanba sira-nia esperiénsia rasik ne’ebé sira adere tiha ona ba OMK, ho esperiésia sira ne’e ita bele mós ariku tan ita-nia koiñesimentu hanesan estadu bele lori politika interna adezaun Timor-Leste ba OMK”, hatete nia. (*)