MJ ho SERVE Diskute Apoiu Terrenu ba Konstrusaun Edifísiu iha Munisípiu

By Tempo Timor July 12, 2022 528

font size decrease font size increase font size
Print
Email

Ministru Justisa (MJ), Tiago Amaral Sarmento hala’o reuniaun ho reprezentante husi Servisu Rejistu no Verifikasaun (SERVE I.P). Foto Suplay

Tempotimor (Dili)-Ministru Justisa (MJ), Tiago Amaral Sarmento simu no reuniaun ho reprezentante husi Servisu Rejistu no Verifikasaun (SERVE I.P) hodi diskute kona-ba apoiu notarriadu no terrenu ba Konstrusaun Edifísiu SERVE iha munisípiu sira.

Tuir informasaun ne’ebé www.tempotimor.com asesu iha pájina Ministériu Justisa, tersa (12/07) katak, reuniaun ne’ebé hala’o iha loron segunda (11/07) Ministériu Justisa, Kolmera, Dili, reprezentante SERVE esplika kona-ba pedidu ba apoiu husi Notariadu Ministériu Justisa ba notariu husi SERVE nian no kona-ba Terrenu ba konstrusaun edifísiu SERVE iha munisípiu 13, iha Timor laran tomak.

Ministru Justisa, Tiago Amaral Sarmento esplika, kona-ba terrenu ba hari'i edifísu SERVE iha munisípiu sira, Ministru Justisa husu parte SERVE atu koordena ho Diresaun Terras Munisípiu hodi identifika terrenu iha munisípiu 13, hafoin submete pedidu ba Ministériu Justisa, atubele haree hodi atribui.

Kona-ba apoiu Notariadu nian ba SERVE, Ministru Justisa husu ba parte SERVE atu submete fali pedidu ba Ministériu Justisa atubele haree hodi koordena ho Diresaun Jeral Rejistu Notariadu ba asuntu refere.

Tanba Ministru Justisa mós hakarak atu hasoru Diretór Ezekutivu SERVE hodi diskute asuntu importante balun. (*)

Rate this item

(0 votes)

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com