“Iha ami-nia lei Kooperativa angaran dasar ami-nia kooperativa ami tau iha kada anual ami simu ema na’in-2 to’o na’in-lima, razaun ami simu oituan tanba presiza estudu membru nia karaterístika membru Kooperativa nian tanba membru Kooperativa iha interese hakarak Kontribui ba Kooperativa no balun hakarak iha intensaun atu hamate fali koperativa”, dehan nia bainhira simu vizita husi Sekretáriu Estadu Kooperativa (SEKOOP), Elizário Ferreira, iha Suku Naimeco Sub-Rejiaun Pante Makasar, Oekussi, kinta (07/07).
Tanba Loriku Star iha mehi ida ne’ebé mak boot hakarak sia millionáriu hodi tau atensaun ba produsaun sira iha rai laran iha futuru.
Sekretáriu Estadu Kooperativa (SEKOOP), Elizário Ferreira hatete, kada organizasaun sempre hasoru difikuldade sira, maibé esensiál aumenta númeru membru.
“Maibé aumenta membru ne’e esensiál, normalmente iha vida organizasaun ne’e sempre balun di’ak liu balun la di’ak liu, no nia halo komparasaun, hanesan Jesus, nia mós iha grupu ho ema na’in-12, balun negadór, balun fa'andór”, afirma nia.
Bainhira organizasaun sira hasoru problema bele aumenta dirijente sira nia kreatividade hodi hanoin ne’ebé di’ak iha futuru.
“Se laiha problema ita laiha hanoin ne’ebé kreativu, ita nafatin ba nafatin de’it, ita hatene iha ema maibé ita lakohi atu aumenta sai membru, ema hatene katak ita tauk”, afirma nia.
Maibé enkoraza nafatin dirijente sira atu simu membru foun sira hodi aumenta nia osan kapitál sira hodi la’o ba oin nafatin. (*)