“Konta ho Governu ninia apoiu, ba konstribuisaun buat ne'ebé ami bele, sei halo esforsu hotu para bele kontinua fó apoiu e buat ida ne'ebé señór Ministru Koordenadór Assuntu Ekonómika, Señór Sekretáriu Estadu Formasaun Profesionál no Empregu, INDIMU no sentru formasaun sira bele padroniza oituan ita-nia formasaun no forma mais sistemátiku posivel”, dehan nia iha Salaun Mauhoka Osindo Surikmas, segunda (15/08).
Tanba bainhira iha klasifikasaun la'o di'ak presiza sistema ba formasaun sira iha padronizadu rua liután.
Alende ne'e, Minístru Koordenadór Assuntu Ekonómika, Joaquim Amaral informa, atu hadi’a sistema Padronizadu Sistemátiku ba formasaun sira iha Timor-Leste mak presiza rona ona nasaun estranjeiru sira-nia Eskola Tékniku Vokasionál no sentru formasaun sira-nia hodi bele aliña no sai referénsia ba sentru formasaun sira iha Timor-Leste.
“Tanba ida-ne'e mak ita rona uluk lai Sentru Dezenvolvimentu husi nasaun li'ur sira iha Ensinu Tékniku Vokasionál no sentru formasaun sira ne'ebé avansadu ona, ita aprende rona sira-nia esperiénsia mak husi Konferénsia Internasionál ne'e sei sai dokumentu ida ne'ebé sai bele referénsia atu ita dezeña ita ba polítiku Tékniku Vokasionál ho Sentru formasaun sira aliña ho dezafiu sira oin mai”, afirma nia.
Institutu Nasionál Dezenvolvimentu Maundeobra (INDMO), Isabel Fernandes de Lima hatete, dadaun ne'e INDMO sei halo re-aplikasaun ba sentru formasaun hotu maibé ho regra rigorozo atu nune'e identifika Sentru formasaun ne'ebé mak priesene rekézitu hodi hetan akreditasaun ho tama ba sistema Padronizadu.
“Oras ne'e daudaun ami iha faze, atu halo reabilitasaun sentru hothotu, tanba ita iha 27 sentru formasaun sira ne'ebé mak iha akreditadas ne'ebé mak sira-nia akreditadas kuaze ke remata ona, entaun oras ne'e dadaun INDMO prepara hela, e sira hothotu kuaze hatam sira-nia re-aplikasaun ba no ita sei atribuisain regra ho rigorozo oituan atu haree se mak di'ak duni atu no merese atu hetan akreditasaun”, dehan nia.
Loron ohin (15/08) INDMO realiza Segundu Konferénsia Internasionál Emtituladu TVET in transition increasing the quality and inclusiveness of Timor Leste's Technical and Vocational education and training for national development. (*)