SEKOOP, Elizário Ferreira husu ba Kooperativa KUC ne'ebé sai Jerente ba Sosiedade Produsaun Agropekuaria atu kria loja agropekuaria hodi nune'e fasilita animál sira-nia hahán hodi labele dependénsia ba Indonézia
“Poltry shoap ne'e katak loja ba agropekuaria para ai-moruk labele depende ba ema seluk maibé ai-moruk sira razaun sira ne'e depende duni ba atividade Kooperativa ne'e ka KUC nian, no KUC mak tenke investe uluk maibé prinsípiu Kréditu Uniaun nian maibé labele investimentu membru sira-nia osan maibé utiliza osan rezerva sira”,dehan nia iha Suku Gisu, tersa (23/08).
Tanba ASP sanak ida husi Kooperativa Klibur Uniaun ba Kréditu (KUC) ne'ebé haree ba produsaun manu, iha Suku Gisu, Postu Administrativu Maubara, Munisípiu Likisá ne'ebé produsaun Agropekuaria hodi kontribui ba Dezenvolvimentu Nasionál iha Timor Leste.
Bainhira KUC iha ona loja agropekuaria mós halo ona atividade komérsiu hodi nune'e lori lori nia produtu sira ba asesu merkadu hodi besik konsumidór sira iha Merkadu sira.
Prezidente Sosiedade Produsaun Agropekuaria (SPA), Flavio Maria Guterres da Silva hatete, atividade lansamentu ba Kolleta manu lokál inklui halo lansamentu ba manu Luhan hodi fa'an manu sira ne'ebé produz iha ASP hodi asesu ba merkadu.
“Ohin (23/08) ne'e atividade lansamentu ba manu sira ne'ebé mak ami halibur husi komunidade haki'ak iha ne'e maizoumenus fulan ida ka rua ami fa'an ba tanba ne'e mak lansamentu hodi nune'e asesu ba merkadu, ho nia objetivu produsaun ne'e atu fornese protein orijen animál, ba komunidade ba povu komunidade hotu ne'ebé iha Munisípiu Likisá inklui mós iha Munisípiu Díli”, afirma nia.
Ba Manu lokál sira ne'ebé mak ASP hahú loke ne'e hola hotu husi komunidade sira maibé tanba sei menus nune'e sei kontinua hola manu oan sira husi Indonézia hodi haki'ak iha Likisá, suku Gisu.
“Sosa husi komunidade la'o nafatin ami hakiak e depois lori ba merkadu, depois ami halo negosiasaun ho kompaña balun iha Indonézia atu hatama DOC (manu oan ) husi Indonézia, DOC ne'e tama atu taka nesesidade merkadu, maibé manu sira husi komunidade ne'e ami kontinua sosa e haki'ak”, dehan nia.
Haree ba ASP sosa manu lokál husi Komunidade ne'e folin menus oituan, nune'e ASP hakiak durante fulan ida ka rua nune'e fa'an filafali ba merkadu.
Sosiedade Produsaun Agropekuaria (ASP) ne'e membru ida husi Klibur Uniaun ba Kréditu (KUC) nune'e halo konstrusaun ba manu Luhan kuaze osan rihun $2 resin ne'ebé mak hetan apoiu husi Sekretáriu Estadu Kooperativa. (*)