Ministru Prezidensiá Konsellu Ministru (MPKM), Fidélis Manuel Leite Magalhães hatete, sorumutuk KM iha Palásiu Governu, aprova ona projetu Proposta-Lei, ne’ebé aprezenta husi Ministru Obras Públikas, Abel Pires kona-ba pagamentu estraordináriu ba eis-traballadór sira sosiedade komersiál nian “Lorasa’e Seguransa, Lda.
Nia dehan, diploma ne’e determina pagamentu ba eis-traballadór sira husi sosiedade komersiál “Lorosa’e seguransa, Lda” husi servisu efetivu sira ne’ebé fó ba instalasaun EDTL, Ep, iha períodu entre loron 1 fulan- jullu tinan 2019 to’o loron 31 fulan-dezembru tinan 2022, iha subestasaun sira Baukau, Maliana no Manatutu.
Husi montante ba pagamentu fó ba eis-traballadór sira ne’e multiplika husi remunerasaun mensál kada 45,5, kona-ba fulan servisu sira ne’ebé halo ona, hodi aumenta husi valór bonus kada tinan tolu ho balu, tuir Kódigu Laborál. Karik benefisiáriu husi pagamentu ne’e mate valór pagamentu ne’e sei efetua ba susesór legál sira. (*)
