Serbisu ba Governu: Salva Povu, Salva Fundu Petroliferu

Reitor Institute of Business (IOB) Augosto da Conceição Reitor Institute of Business (IOB) Augosto da Conceição Foto IOB

Tempotimor (Dili)-Reitor Institute of Business (IOB) Augosto da Conceição hatete, iha tempu ohin loron nian governu iha serbisu boot rua importante mak salva povu husi pandemia Corona Virus Diseases (Covid-19) no salva mós Fundu Petroliferu (FP).

Maske Timor-Leste deklara ona “livre” husi Covid-19, maibé virus ne’e sei fó ameasa, tanba virus ne’e sei sirkula maka’as iha nasaun barak iha mundu.

Tuir Reitór IOB, iha tempu agora, governu Timor-Leste presiza tebes atu tau-matan ho seriu ba pandemia Covid-19 hodi nune’e bele evita virus refere tama Timor-Leste.

Aleinde ne’e, nia dehan, asuntu seluk ne’ebé importante seluk mak salva fundu petroliferu.

Tuir nia, kada tinan FP kontinua menus tanba  governasaun Timor-Leste gasta de’it osan maibé la investe iha area produtivu sira.

“Situasaun Timor-Leste agora dadaun ne’e presiza buat rua ne’ebé ita tenke tau-matan. Primeiro, ita tenke rezolve uluk lai situasaun pandemia Covid-19 liu husi dalan rua, kurativu ho preventive. Segundo, ita salva ita-nia fundu minarai, liu husi dalan saida? tenke iha dalan investimentu produtivu no gasta ho produtivu, tanba investimentu, gasta produtivu mak bele salva ita-nia ekonomia,” dehan nia iha Parlamentu Nasional,  Kuarta (08/07).

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.