Ministru Finansas (MF) Rui Gomes hateten, oras ne’e daudaun prosesu ezekusaun la'o hela no ezekuta ona purvolta 85 pursentu.
"Ezekusaun orsamentu 2020 ita la'o hela, agora fundu Covid mós ezekuta nafatin ", Rui Gomes hateten lia hirak ne’e hafoin hasoru-malu ho Primeiru Ministru (PM) Taur Matan Ruak iha palásiu governu, Segunda (14/12).
Governante ne’e akresenta, ezekusaun Orsamentu Jeral Estadu (OJE) dala barak haree husi invoice ne'ebé emprezariu Sira hatama.
"Iha buat balun ne'ebé atraza oitoan, dala barak mós ita depende ba invoice sira ne'eb’e husi empreza hatama mai, dalaruma hatama tarde, tantu par labele iha tusan hakarak ou lakohi tenke selu agora tinan ida ne'e nia laran, se lae hakarak ou lakohi dia 31 dezembru taka kontas, depois muda fali ba tinan oin, ne'e hanesan tusan fali ona, tanba osan labele tranzita ba tinan oin", nia dehan.
Entertantu, Orsamentu Jerál Estadu (OJE) ba tinan 2020 hamutuk billaun $1.4. (*)
