Diretor Florencio Sanches katak atividade negósiu online lei permite ba ema hotu, tantu timoroan ka estrangeiru, maibé lei la permite kuandu sira halo negosiu sem rezistu iha SERVE.

"Sira ne'ebe la rezistu maibe atividade komersiál la'o nafain, tuir ita nia dekretu lei numeru 6/2017 sei kona multa husi dolar atus lima to'o rihun lima" dehan Diretór Florencio ba www.tempotimor.com iha nia knaar fatin Hudi-Laran, Kinta (11/2).

Nia mós salienta, SERVE sei tuur hamutuk ho entidade hotu hodi buka tuir sira ne'ebé halo atividade negósiu online ka fa'an aimoruk online.

"Fa'an aimoruk ne'e Ministeriu Saúde (MS) mak regula, serve haree ba ninia entidade legál no MS haree ba ninia atividade legál ka lae, buat rua ne'e la hanesan," katak Florencio.

Diretór ne'e afirma, lei ne'ebé fó kompeténsia boot ba SERVE katak sei selu multa to'o dollar $5.000 ba sira ne'ebé la registu, mak dekretu lei númeru 6/2017.(*)