Tuir Sekretáriu Estadu Elizário Pereira katak, atu asesu ba kréditu ne'e mak hanesan grupu produtivu sira, koperativa produsaun sira, individu, emprezariu ki'ik sira hotu-hotu sai membru ba koperativa, atu bele asesu ba kapitál ne'ebé iha jurus ne'ebé ki'ik ka pursentu 4% kada tinan.

Governante ne'e esplika, pursentu 4% ne'e signifika fahe ba 12, ne'ebé hetan 0,3 katak, ema ida kreditu osan rihun $1.000, kada fulan selu jurus pursentu 3% ka $3 dollar.

"Kooperativa iha Timor-Leste, ita iha munisipiu 13, postu-administrativu 65, suku 452, no aldeia 2000-resin, entaun iha ona kooperativa kréditu hamutuk 33 maka iha Postu-administrativu 33," dehan Elizário iha nia knaar fatin Akait, Horseik (9/2).

Nia mós dehan, kooperativa 32 mak iha hela akompanamentu, no formasaun la'o hela, ba oin ho prezensa koperativa kreditu nian asegura kapitalizasaun, nune'e koperativa produsaun sira bele asesu kapitál ne'e liuhusi kreditu atu bele dezenvolve atividade produtivu.

Tanba ne'e, koperativa produsaun ne'ebé iha fulan 6 mosu hamutuk iha ona 112 koperativa produsaun.

"Agora ami nia preokupasaun ne'e iha buat rua, ida mak oinsa atu asegura sustentabilidade institusionál koperativa nian, segundu oinsa mak bele iha produsaun ne'ebé aumentu hodi kontribui ba dezemvolvimentu ekonomia nasaun nian," dehan Nia

Governante husi Fretilin ne'e afirma, kréditu ho jurus ki'ik, la'ós para atu ba halo uma lulik, hakoi mate, kazamentu, maibé halo atividade produtivu hanesan haki'ak Bibi, Manu, Fahi, Karau.(*)