Tanba velosidade internet ne’ebé durante tinan hira nia laran la’o hanesan lenuk, maski Governu fó ona oportunidade ba operadór telekomunikasaun sira atu investe hodi fasilita velosidade internet ne’ebé lalais ba kliente sira.
“Ita-nia internet lenuk tanba ita uza 200 megabyte de'it, tanba ne'e ha'u dehan ona ba Autoridade Nasionál Komunikasaun (ANC) oinsá mak atu hasa'e tan ita-nia frekuénsia”, dehan nia iha edifísiu Ministériu Transporte Komunikasaun (MTK), Merkadu Lama, segunda (17/05).
Maski volume husi 200 megabyte sa’e ba megabyte 1 mak rede ne'e ema uza barak sei afeta nafatin, no solusaun di'ak mak aumenta frekuénsia.
“Ida ne'e solusaun temporáriu no provizóriu hodi hein ita-nia prosesu normál maibé prosesu ne'e la'o hela”, dehan nia.
Haree ba planu hirak ne'e, dadaun MTK lori ona karta ba Primeiru Ministru, kuandu hetan despaixu ona komesa fó hanoin ba parte Komisaun Nasionál Aprovizionamentu atubele hala'o ona kna’ar. (*)