"Bankada CNRT hanesan opozisaun, foti bebeik kestaun sira ne'ebè kona-bá moris povu ninian, mais governu de faktu la tau atensaun. Hanesan mós Kona-bá eleteisidade iha Ataúro”, hatete nia iha plenáriu PN, segunda (24/05).

Tanba ne'e, ejizénsia kona-bá enérjia eletrisidade, CNRT hanesan atu (full up) filafali iha plenária, tanba intervensaun iha fulan-marsu hala'o tiha ona.

Maske, ró ida konsege tula sai jeradór rua, ho mina 25 tonelada, husi Díli ba Ataúro, hodi fornese eletrisidade ba komunidade sira, maibé to'o oras ne'e ahi iha Ataúro kontinua lakan de'it iha tempu kalan, durante oras 5 nia laran.

Ho ida ne'e preokupasaun ne'ebé CNRT tau iha kestaun mak difikuldade husi enerjia ne'e rasik, tanba bainhira mate loron ida tomak, ida ne'e estraga povu ninia aihan iha jelera, estudante sira labele asesu cas sira-nia telefone no leptop hodi bele tuir prosesu aprendijazen ho sistema online.

"Ita-boot sira bele sente dehan baruk ona atu rona ami hatete governu laiha kapasidade, maibé realidade mak ida ne'e, ita sente ka lae”, afirma nia.

Ba kestaun ne'e, Ministru Asuntu Parlamentár no Komunikasaun Sosiál (MAPKOMS), Francisco Martins Jerónimo deklara, ejizensia ne’ebé deputada sira levanta iha plenáriu, parte governu rejista ona no sei haruka ba membru governu relavante atubele fó hikas resposta ba PN.(*)