Kooperativa Kréditu Emprega Ona Funsionáriu Na'in-892

Sekretáriu Estadu Kooperativa (SEKoop), Elizário Ferreira. Sekretáriu Estadu Kooperativa (SEKoop), Elizário Ferreira. Foto Tempo Timor

Tempotimor (Dili)-Sekretáriu Estadu Kooperativa (SEKoop), Elizário Ferreira informa, dadaun ne'e kooperativa kréditu hamutuk 60-resin emprega (fó servisu) ona funsionáriu hamutuk na’in-892 iha Timor-Leste.

Husi koperativa ne’e, ne'ebé eziste iha Timor-Leste (TL) hamutuk 111, maibé iha 60 resin mak funsiona ona hanesan instituisaun hodi fó servisu ba timoroan.

"Kooperativa kréditu ho 111 ne'e, iha 60 itál mak funsiona hanesan instituisaun. Tanba ne'e sira resjísta funsionáriu ne'ebé servisu iha kooperativa ne'e, hamutuk 892 funsionáriu ne'ebé servisu iha kooperativa", dehan Elizário Ferreira iha salaun Igreja Katedrál, Vilaverde, tersa (15/06).

Maske nune'e, funsionáriu sira ne'e, servisu de’it iha kooperativa, maibé kada fulan simu saláriu hanesan mós ho funsionáriu públiku sira iha nível kuatru (4) nian.

"Mínimu US$150 ba sira ne'ebé ema bolu auxiliar, e sira ne'ebé nível manejer ne'e hetan UU$300 to'o US$375. Ida ne'e hatudu katak funsionamentu kooperativa ninian ne'e, funsiona liliu kooperativa kréditu asegura hela progresu dezenvolvimentu kooperativa nian”, haktenik nia.

Totál kooperativa produsaun ne'ebé oras ne'e eziste, hamutuk 71, no oras ne'e nafatin funsiona iha territóriu nasionál hodi ajuda populasaun sira hasa'e rendimentu ai-hán iha baze. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter