"Iha tinan 2021 SEII tau iha planu atu kobre suku prioridade ne'ebé mak SEII propoin hamutuk suku 156 ne'ebé atu asesu ba orsamentu transferensia públiku ho mekanizmu rotativu”, dehan Agostinha da Costa iha BEE Timor-Leste, Kaikoli, kuarta (28/07).
Programa asesu ba Orsamentu Transferensia Públiku Rotativu kada suku, SEII hari’i ona liuhusi Sentru Impoderamentu Igualidade no Inkluzaun atu garante grupu feto ajuda feto empodera feto sobrevivente iha área negósiu, atu akumula grupu sira no haree sira-nia atividade negósiu hotu atu liga sira-nia produtu ba merkadu.
Grupu hirak ne'ebé SEII rasik mak hari’i iha ona Munisípiu 12 inklui Rejiaun Administrativu Espesiál Oekussi Ambeno.
“Nune'e iha tinan 2019 SEII mós fó fundu transferensia públika ho mekanizmu rotativu siknifika katak osan inan ne'ebé mak SEII entrega diretamente ba grupu sira liuhusi Sentru Impoderamentu Igualidade no Inkluzaun iha Munisípiu sira no iha tinan ka data ne'ebé mak SEII termina ona katak sei grupu sira fó filafali osan inan”, dehan nia.
Totál orsamentu ne'ebé mak SEII fahe ba ida grupu ho mekanizmu rotativu ne'e hamutuk US$2,000 hahú iha tinan 2019 to'o agora kobre Munisípiu 12 inklui Rejiaun Administrativu Espesiál Oekussi Ambeno. (*)