Reprezentante CQR, Mordoqueo Soares hatete, vizita ne'e lori apoiu nesesidade Báziku ba Georgino de Jesus ho nia família sira.
“CQR lori mós nesesidade bázika bebé no mós nia família sira tanba eis Primeira Dama Isabel Ferreira la bá entaun nia hatun despaixu ida ne'e mak ami ba fali, tanba primeira dama iha rai li'ur hela”, dehan Mordoque Soares iha Mascarinhas Bairo, Alto Balide, segunda (16/08).
Inan ba bebé, Geogino de Jesus, Ana Natalia Pereira husu ba sidadaun hotu nia orasaun atu tulun Georgino hodi nune'e nia saúde rekupera filafali.
"Ha'u-nia mensajen ba maluk Timoroan sira husu imi-nia orasuan ba atan oan no iha mós doutór balun ne'ebé mak iha kona-ba área ida ne'e karik bele halo operasaun ha'u-nia mensajen mak ne'e deit”, hatete nia.
Georgino de Jesus moris iha loron 06 fulan-maiu tinan 2021, moris mai ho kondisaun normál maibé liu tiha semana rua nia ulun komesa boot ba bebeik no konsege lori ba Ospital Nasionál Guidu Valdares (ONGV) maibé la konsege kura to'o agora. (*)
