"Ha'u husu beibeik ona maibé resposta laiha, no ohin loron ha'u husu tanba mandatu Oitavo Governu nia ne'ebé lidera husi Primeiru Ministru, Taur Matan Ruak atu haree no hadi’a netik ami-nia dalan ne'e, husi suku ba postu, inklui aldeia mai suku, tanba ami atu viajen ba mai ne'e dalan la di’ak, desde ukun-an to’o agora”, dehan Xefe suku Hoho-Rai liuhusi Telfone, kuarta (25/08).

Governu atu hadi’a dalan husi aldeia mai suku no suku ba postu tanba bainhira ema moras sira hulan de'it ho ai-kabela ne'ebé ema halo, hafoin mai postu, hodi tula ba Ambulánsia lori ba sentru saúde atu hetan tratamentu.

"Kuitadu ha'u-nia komunidade sira ne'e moras, ema tenke halo ai-kabela oan ruma hafoin hulan ba postu la’e ba estrada boot ruma mak foin Ambulánsia bele mai tula lori ba halo tratamentu”, hatete nia.

Ukun troka malu maibé suku Hoho-Rai mak nafatin hanesan ne'e siknifika Timor-Leste seidauk ukun-an hotu tanba komunidade laiha adaptasaun ba era dijital no sei iha difikuldade barak.

Nune'e husu atu tau matan ba povu ki’ik sira iha baze liliu iha área rurál

Entretantu totál populasaun suku Hoho-Rai hamutuk 1.359, totál uma-kain 317 ho nia aldeia haat (4). (*)