"Definitivamente lista pendente ba sesta bázika, iha US$25 mill. Husi US$25 mill ne'e, iha Dili. Ne'ebé husu ba komunidade sira ne'ebé seidauk simu, ha'u hanoin lalika preukupa sira-nia direitu. Enkuantu, naran tama ona, tanba ita lori tempu oituan atu konfirma husi naran", dehan Joaquim Amaral, iha Otél Timor, kinta (26/08).
Tanba durante prosesu distribuisaun ai-hán sesta bázika iha fulan-juñu tinan 2020, to'o oras ne'e, mosu mós reklamasaun balu husi komunidade sira, ho totál hamutuk hotu iha territóriu tomak, kuaze rihun-20-resin.
Maske nune'e, Governu sei hein dadus kona-ba lista naran reklamante sira ne'ebé atu submete husi Ministériu Administrasaun Estatál (MAE), ba ekipa tékniku sira MKAE nian hodi halo verifikasaun.
"Tenke haruka naran sira ohin dehan, cross cheek. Depois kuandu loos ona, sira rezolve nia prosesu administrasaun sira, e kompaña sira iha ona baze atu hahú servisu", hatete nia.
Programa Sesta Bázika, Governu dezeña iha tinam 2020, atu rekupera ekonómia povu iha rai laran, durante pandemia Covid-19, nomós atu responde ba dezastre naturál inundasaun iha loron 04 fulan-abríl liuba.
Maibé, tanba ezekusaun konsege hotu iha tinan 2020, hodi utiliza fali iha tinan 2021 nian. Tanba Orsamentu Jerál Estadu (OJE) tinan 2021 nian mós hetan aprovadu, nune'e ezekuasaun orsamentu, ministériu implementadór sira iha tempu natoon atu ezekuta orsamentu.
"Haree husi direitu benefisiáriu sira ne'ebé presiza atu hetan lalais, ne'e duni ha'u dala-ida tan kontinua husu ba ministériu implementadór sira atu tau atensaun hodi aselera distribui lalais, ou rezolve lalais asuntu pendente sira atu nune'e, benefisiáriu sira bele hetan sira-nia direitu lalais", afirma now:
Enkuantu, lista ne'ebé hirak ne'e, sei rezolve husi Ministériu Turízmu Komérsiu no Indústria (MTCI) tanba sei iha saldu osan ne'ebé sufisiente hodi solusiona.
Tanba ne’e, husu ministériu sira ne'ebé iha atu koopera ho MTCI atu rezolve ho lalais.
"Ministériu Turízmu Komérsiu Industria, sira mak agora lidera hela prosesu rezolusaun ba pendente sira ne'e. Sira ne'ebé seidauk simu, e ha'u fiar katak sira bele rezolve lalais iha tempu badak", dehan nia. (*)
