SEKoop, Elizário Ferreira, ne'ebé akompaña husi reprezentante Administradór Postu Administrativu Tutuala, Albino de Araujo, hodi vizita Kooperativa Turizmu Valusere, iha Suku Tutuala, Postu Tutuala.
Husi vizita ne'e atu observa direita dezafiu no progresu Kooperativa nian, nomós vizita ne'e hanesan motivasaun ida hodi nune'e dezevolve aan nafatin atu kontribui ba kresimentu ekonomia.
Iha vizita ne'e SEKoop promete ba Kooperativa Valusere sei promove produtu Kooperativa nian liuhusi mídia masa no eletronika hodi bele atrai turista nasionál no internasionál sira bele vizita nia fatin refere.
Reprezentante Kooperativa Turizmu Valusere, Idalizia de Jesus, sent kontente ho prezensa SEKoop nian, tanba vizita ne'e hanesan parte ida fó motivasaun no ekoraja sira atu hadi'a-an di'ak liután.
Ekuantu Kooperativa Turizmu Valusere durante ne'e loke Guest House ka toba fatin ba vizitante sira ne'ebé mak vizita ba Ilha Jaco, kada kuartu ida ho montante US$25 to'o US$30 ba kalan ida. (*)