"Aprezenta de'it progressu no Fundu Infrastrutura ba tinan (2022) oin nia ne'e ita haree kona-ba fali de'it ba ita-nia tore sira ne'ebé mak hetan estragu husi inundasaun liubá ne'e, entaun ita foti ida ne'e hodi bele fó atensaun, entaun presiza haree ida ne'e”, dehan Prezidente Konsellu EDTL, Paulo da Silva ba Jornalista sira hafoin Reuniaun KAFI iha Salaun Ministériu Finansas, Aitarak Laran, Kinta (09/09).
Tore sira ne'ebé mak durante estragadu iha loron 4 fulan-Abríl tinan 2021 hamutuk sanulu-resin-neen (16) atu hadi’a fali ho osan tokon US$7.
"Nia orsamentu ba tore (16) ne'e ita prezenta osan tetu orsamental hamutuk tokon US$ 7 no laiha tan adisionál ona", hatete nia.
Nune'e Ezekusaun Orsamentu Jerál Estadu (OJE) tinan 2021, dadaun ne'e Eletrisidade Timor-Leste, Empreza Públika (EDTL,ep) atinje ona pursentu limanolu-resin-tolu (53%). (*)
