SEKoop Fó Pose ba Estrutura CCSN Manatutu Villa

SEKoop, Elizário Ferreira, ko’alia hela ho membru CCSN iha Salaun Otél Surprise, Aldeia Werema, Postu Manatutu Villa, domingu (03/10). SEKoop, Elizário Ferreira, ko’alia hela ho membru CCSN iha Salaun Otél Surprise, Aldeia Werema, Postu Manatutu Villa, domingu (03/10). Foto Tempo Timor

Tempotimor (Manatutu)-Sekretária Estadu Kooperativa (SEKoop) fó pose ba estrutura Cooperativa Crédito Súri-Náha (CCSN) hodi hala'o ona atividade kooperativa iha nivel Munisípiu ba to'o aldeia sira.

Serimónia pose hala’o iha loron domingu (03/10), tanba Gabinete Igualidade Jenéru (GIJ) iha SEKoop, organiza formasaun bázika kooperativa ba grupu feto "Súri-Náha", durante loron haat, iha Aldeia Werema, Suku Sau, Postu Administrativu Manatutu Vila, Munisípiu Manatutu.

"Asembleia ida ne'e, asembleia ba fundadór sira. Ne'e fundadór sira mak funda kooperativa ne'e, ema bolu dehan primeiru asembleia jerál, e iha vida kooperativa ne'e, mak ida ne'e”, dehan Sekretáriu Estadu Kooperativa (SEKoop), Elizário Ferreira, iha Salaun Otél Surprise, iha Werema, Manatutu Vila, domingu (03/10).

Diretór Sentru Dezenvolvimentu Emprezárial-IADE Manatutu, Mario Fátima da Costa Ximenes, husu ba membru foun sira ne'ebé foin eleitu, atu fó fiar ba malu hodi halo emprestimu ba malu.

"Iha buat ida mós importante. Osan la'ós na'in hira sira rai iha banku, iha karteira, iha bolsu. Osan ita rai iha ita-nia kakutak. Sé osan iha kakutak, nunka mais hotu to'o mate. Mais membru sira no estrutura tomak sei hanoin dehan, sekretária estadu osan barak, banku osan barak, ne'e ita sei la halo buat. Maibé, katak osan ne'e iha ita-nia kakutak, osan ne'e nunka mais atu hotu", afirma nia..

Administradór Postu Administrativu Manatuto Vila, Gaspas Henriques da Silva Soares hatete, kooperativa nu'udár pilár importante ida ne'ebé hakerek iha konstituisaun RDTL (Repúblika Demokratika Timor-Leste), nu'udár pilár dezenvolvimentu ne'ebé importante tebes husi setór tolu.

"Setór públiku, setór privádu, nomós setór kooperativa. Setór tolu ne'e mak kontribui ba dezenvolvimentu nasionál Estadu ida ne'e nian ba ita-nia rain, ita-nia nasaun”, afirma nia.

Prezidente Kooperativa Kréditu "Súri-Náha", Maria Teresa Hono Lay Correia esplika, kooperativa ne'e hanaran Súri-Náha, tanba nia nu’udar saudoza feto inspiradóra, motivadóra no libertadora ba independénsia, no sai mós lalenok ba sira iha kooperativa ne'e.

“Ami hari'i kooperativa, atu hakbi'it feto maluk sira, mai rai osan, no fó osan hodi hadi’a sira-nia ekonómia uma-laran, no nesesidade ne'ebé urjente tebes. Ami hahú husi fundu ne'ebé mínimu liu, husi membru sira ne'ebé marka prezensa iha fatin ida ne'e, ho hanoin ida husi ami, ba ami no mai ami. Durante treinamentu, ami observa katak, treinamentu hetan partisipasaun ativu husi membru sira, no espera, treinamentu ne'e sei kontinua nafatin, atu kapasita membru sira iha futuru”, dehan nia.

Totál membru kooperativa kréditu "Súri-Náha", hamutuk na'in-23, iha feto na’in-21 no mane 2. Iha kapitál finanseira dadaun ne’e, atinje ona UU$2,300. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter