"Ita apoiu ona matérial rekupérasaun ba vitíma sira hamutuk 210 ne'ebé akontese dezastre husi fulan dezembru 2020 to'o abríl 2021 ne'e", dehan Diretór Servisu Munisípal Protesaun Sivil Gestaun Dezastre Munisípiu Baukau, Nelsón Nunes iha salaun sentru konvensaun Baukau Vila Antiga tersa (26/10).
Uma ka’in ne'ebé hetan ona apoiu ne’e, kompostu husi Postu Administrativu Baukau Vila hamutuk 45, Laga 16, Vemasse 9, Baguia 18, Kelikai 75, no Venilále 47.
Nune'e mós uma sira ne'ebé kondisaun estraga totál husi Postu Administrativu Baukau Vila hamutuk 7, Laga 4, Vemasse 3, Baguia 5, Kelikai 29, no Venilále 20.
Uma ne'ebé hetan estragus kaman husi Postu Administrativu Baukau Vila hamutuk 38, Laga 12, Vemasse 6, Baguia 13, Kelikai 46, no Venilále 27.
Dezastre ne’e, governu apoiu totál orsamentu hamutuk US$ 46,324.00 iha apoiu ne’e fahe ba parte rua, sira ne’ebé estragus totál ho orsamentu US$ 25, 24. 00, no hetan estragus kaman montante US$ 21, 300.00.
"Kaman simu kalen tahan 50, prégu no mós orsamentu, US$150, aat totál ita nafatin fó kalen tahan 50 sement 25 saku, pregu sapeu ai nian, 10centimu, 7centimu, besi argola 10m ho 12m no nia osan ba aat totál mak US$368.00", nia esklarese
Ba rekoperasaun, uma na’in mak ka'er servisu, tanba iha ona orsamentu ba uma ne'ebé mak hetan estragus totál hamutuk US$368.00 ne’ebé fahe ba parte rua, US$ 150 ba prosesu mão de obra, US$200-itál ba ai-kuadradu. (*)
