Ministru Prezidente Konsellu Ministrus, Fidelis Leite Magalhães liuhusi Komunikatudu Imprensa hatete, durante segunda (08/08) kalan boot, oras lokál, udan komesa boot ona, iha Seul no iha sidade viziña sira, rezulta ema mate pelumenus na’in-ualu no ema atus ba atus mak tenke evakua.
Tanba udan ne’ebé maka’as tebes halo estragu barak materiál sira, hanesan edifísiu, veíkulu, estrada no infraestrutura sira seluk, provoka mós rai-halai no obriga tenke taka ahi elétriku no suspende servisu komboiu no metro nian.
“Ami-nia sentidu kondolénsia ne’ebé kle’an ba família sira ne’ebé lakon sira-nia ema ne’ebé sira hadomi. Iha loron difísil sira-ne’e, Timor-Leste hato’o ninia solidariedade ba Governu no populasaun tomak Repúblika Koreia nian”, deklara Fidelis. (*)