"Tuir planu ita hahú hala'o feira iha loron ba ita nia komunidade hatun grupu produtóres, prosesamentu hamutuk rua nulu (20) atu partisipa iha feira ba grupu lokál ne'ebé mak ita atu hatun ne'e rua nulu ", dehan Diretór Agrikultór Munisípiu Baukau, Moises Lobato Pereirra ba jornalista sira, kuarta (17/11).
Dadaun ekípa sira ne'ebé atende ba feira kontinua halo indentifikasaun ba grupu produtóres sira atu bele mobiliza sira hodi partisipa iha feira.
Grupu ne'ebé atu partisipa iha feira mak grupu produtóres, prosesamentu, kulinária, artezanatu no kada grupu tenke prense ema na'in-5.
Grupu produtóres sira iha Munisípiu Baukau sei monta grupu-5 no rekolla husi postu-6, maibé tenke iha produtu lokál ne'ebé kualidade di'ak, nune'e ba future grupu sira kompete iha merkadu.
"Produtóres sira partisipa iha feria ne'e, produtóres foos rai, metan no mean, batar, fore-mungu no sira seluk tan," nia akresenta
Enkuatu feira ne'e, sei hahú iha loron 22 to’o 28 fulan-novembru tinan 2021 iha Aldeia Darasula, Suku Gariuai, Postu Administrativu Baukau Vila, Munisípiu Baukau hodi selebra loron nasionál proklamasaun indepesendia Timor-Leste ba dala-46. (*)