"Suku balun ne'e triste, tanba suku balun aldeia rua no tolu de'it, e suku balun aldeia 15, suku balun aldeia 21 e balun liu, se hari’i uma 10 hotu, ema balun kbi’it laek sai vitima hela de'it”, dehan Dario Madeira iha debate espesialidade ba proposta-lei OJE 2022 iha plenária, tersa (14/12).

Tanba ne’e, husu Governu atu tetu didi'ak ho ba programa ne’e, maske desizaun ne'e parlamentu nasionál foti ona.

Maske, proposta ne'e Parlamentu aprova ona atu halo uma ba kbi’it laek no povu barak mak rona hela ho kontente inklui deputadu no membru Governu sira.

Maibé Governu tenke halo kalkulasaun tanba kada uma 9 to'o 10 ba suku hothotu hanesan de'it, suku balun ne'e triste, tanba suku balun aldeia rua no tolu de'it, no suku balun aldeia 15 to'o 21.

Tanba ne'e presiza halo analiza husi Ministériu administrasaun Estatal ho Governu bainhira la halo kalkulasaun ho loloos mak ema kbi’it laek balun sei sai vítima nafatin iha sira-nia suku rasik.

"Ikus liu ha'u atu hato'o de'it, exelensia Ministru sira ho membru Governu sira, karik uluk liu ami rona dehan katak orsamentu bazeia ba programa, maibé ohin mai Parlamentu konsege aumenta osan barak liután ona, e ita espera katak povu bele sente loloos ona, dezenvolvimentu iha tinan ida nia laran”, afirma nia. (*)