"Parajen ne'e fulan ida rua ne'e sei gratis, maibé ba oin ne'e oinsá para koordena ho Ministériu relevante atubele halo kobransa hanesan estrada, públiku sira”, dehan Humberto ba jornalista iha HNGV, kuarta (13/01).

Tanba kada loron moras sira ne'ebé mak tama iha HNGV kada loron kuaze 700 resin, nune'e família pasiénte nia volume mós tuir pasiénte sira ne'ebé mak tama.

Tanba estasionamentu iha HNGV la sufisiente ba motorista sira mak dalan ida ne'ebé mak dirijente sira aplika sei seluk koima ba Governu tuir montante estandarte Governu nian.

Kona-ba motorista sira kada estasionamentu seidauk define nia folin loloos, maibé sei aplika kobransa ba kada motorista sira.

"Ida ne'e sei define tuir lei ne'ebé haruka, hanesan estrada iha area públiku sira ne'e, kuandu sira ne'ebé mak mak para iha laran bele kontribui ona" nia hatutan.

Estasionamentu iha Hospital Nasionál Guido Valadares fahe ba parte tolu, mak iha parajen A nia montante hamutuk rihun US$40-resin, iha parajen B montante rihun US$40 no C ho nia montante rihunUS$ 41-resin. Nune'e totál konstrusaun parajen  iha HNGV hamutuk rihun US$120-resin. (*)