“Horikalan ami ba to'o iha ne'ebá maibé ami haree volume mota ne'ebé mak boot entaun ita seidauk bele lori sai mákina pezadu iha mota laran”, dehan Prezidente IJE IP, Hermenegilda da Costa Laurentina ba jornalista sira Salaun CNE, Lalini-Larigutu, Kolmera, tersa (22/02).
Maibé dadaun ne'e sira esforsu atu hasai tanba ekipa sei iha terrenu hodi haree hela kondisaun bee nia bainhira tun bele salva ona ekipamentu refere.
“Kuandu ekipa iha terrenu haree kondisaun volume tun ona, ami sei mobiliza mákina pezadu eskavatór hodi bele kee hodi bele foti sai tiha mákina pezadu ne'e depois sei halo manutensaun”, haktenik nia.
Maibé orsida kondisaun volume mota ka bee sei boot ekipa IJE sei halo esforsu hotu hodi dada sai mákina pezadu refere.
Ekipamentu pezadu rua ne'ebé mota lori ne'e iha Aldeia Mota-Kiik, Suku Hera, Postu Administrativu Metinaru, tanba akontesimentu udan boot ne'ebé mak akontese iha loron segunda (21/02). (*)