“Governu promete ona atu hadi’a fali fatin ba vendedór sira iha Manleuana, maibé seidauk fiksu lolos. Ami-nia serbisu mak ne'e no rendimentu ne'ebé ami hetan liuhusi fa’an sasán, tanba ne'e ami kontinua fa’an hodi hein apoiu materiál ruma husi Governu entaun ami hasai ami-nia sasán nune'e sira bele hadi’a fatin ne'e”, dehan Isabel Pires iha Merkadu Manleuana, tersa (22/02).
Vendedór sira deklara laiha forsa ekonomia atu hadi’a fatin ne’ebé ahi hán, maibé kontinua utiliza hodi fa’an no hein Governnu nia planu atu hadi’a.
“Ami-nia moris loroloron mak fa’an OB (obralan) de’it no laiha tan serbisu seluk mak ami hala'o hodi sustenta ami-nia família no selu oan sira-nia eskola”, hatete nia.
Iha insediu ne’e uma hamutuk 34 inklui salon 1 ne’ebé ahi hán mutuk no laiha sasán ne’ebé bele salva. (*)