Tempotimor (Dili)-Durante impelementasaun estadu emerjensia ba prevensaun Covid-19, governu iha poder tomak atu foti ema-nia propriedade privadu ba interese komun.

Tempotimor (Dili)- Ministériu Obras Públika (MOP) prevé Orsamentu Jerál Estadu (OJE) tinan fiskál 2020 ho montante tokon $127 ba eletrisidade no kuaze tokon $25 selu deve.

Tempotimor (Dili) - Sekretáriu Estadu Kooperativa (SEKoop), Arsénio da Silva hatete, atu garante ekonomia familiár governu sei la fó osan direta hodi ba sustenta moris, maibé liuhusi programa produsaun balun.

Tempotimor (Dili) - Primeiru Ministru, Taur Matan Ruak, deskonfia Coronavirus Disease 2019 (Covid-19), liuliu ba timoroan sira ne'ebé antes ne'e partisipa reuniaun no balun halo servisu iha estranjeiru.

Tempotimor (Dili)- Planu konstrusaun edifisiu Polisia Nasional Timor-Leste (PNTL) ko'alia ona iha tinan 2014 liubá, maibe tanba impase politika maka foin hahú iha tinan ne'e.

Tempo Timor publika iha loron 4 fulan-Juñu 2019 notísia ida ho títulu Fidelis Husu Deputadu Sira Labele “Asal Bunyi”. Títulu ida ne’e la los no konteúdu husi notísia ne’e rasik la han-malu ho ninian títulu.

Tempotimor (Dili) - Atu responde ba ezijensia agrikultor sira kona-ba problema irrigasaun maka Ministru Agrikultura no Peska (MAP) husu atu labele koa orsamentu b manutensaun irrigasaun.

Ministru Agrikultura  no Peskas, Joaquim Jose Gusmao dos Reis Martins hatete, orsamentu ba manutensaun irrigasaun nian importante tebes tanba dezde 2017 to'o 2019 seidauk halo manutensaun.

"Ita husu ba Komisaun Revizaun Orsamental (KRO) atu konsidera fila-fali kapital dezenvolvimentu ba irrigasaun ne'ebé sai mos preokupasaun husi deputadu sira bainhira hala'o fiskalizasaun", dehan Joaquim, iha Uma Fukun PN, Segunda (6/1).

Nia dehan, orsamentu ba area sira seluk bele halo redusaun, maibe espesialmente ba irrigasaun nian husu atu labele muda buat ida. (*)

 

‘SAIDA MAK ITA ATU HALO”

Paradigma foun hosi aplikasaun servisu jestaun komunikasaun ohin loron nian hatudu inovasoens kriativas responsivas, adaptável bazeia ba mudansa teknolojia wainhira pais hotu hakat tama   era digitalijasaun. Ezizensia hirak ne’e nu’udar resposta konaba transparênsia no responsabilidade hodi hamosu konfiansa públika (Public Trust ) relasiona ho servisu hosi kada ministérius ho ninia ajênsia governamentais sira seluk.

Ho nune’e mudansa konaba padraun komunikasaun iha era digital ne’e transforma ona tipu hosi kanalizasaun informasaun ba publiku liuhosi maneiras oin oin ne’ebe ikus mai mosu  jornalismu sidadaun ne’ebe konsideradu nu’udar fenômenu foun iha komunikasaun nian. Xave fundamentu hosi aplikasoens jornalismu sidadaun katak, sidadaun iha ne’ebe deit livremente partisipa ativa hodi relata akontesimentu saida deit maka hetan iha terenu liuhosi kanais propriu ne’ebe mak ezisti tiha ona, wainhira situasaun ne’e presiza ema seluk nia atensaun.

Fenómenu foun ne’e opta pensamentu katak komunikasaun laos ona lao ho modelu diskusaun ema nain rua nian deit maibe sai tiha ona diskusaun ho involvimentu ema barak iha qualquer desizaun ba intereses komum nian. Ho tipu komunikasaun modelu ne’ebe involve ema barak, governu pozisiona kada indivídu sai ona forsa alternativas hodi influensia opiniaun públiku

Portantu, komunikasaun Governu laos deit iha porta-voz ne’ebe briliante, mais presiza mos envolve sidadaun hotu iha prestasaun servisu ho ninia orientasaun ba ninia sidadaun hodi bele hetan feedback antes desizaun ne’e desidi ba intereses públiku nian. Iha países dezenvolvidu ohin loron, requere elaborasaun no promosaun hosi aktus boas prátikas wainhira ita koalia questões transparênsia. 

Artigu ne’e atu ajuda oinsa defini estrutura konseitual konaba "partisipasaun" ho analiza hosi mekanismu komunikasaun nian. Ho ninia objetivu hodi responde perguntas: konaba plataformas saida mak bele konsideradu adequadas hodi mellora partisipasaun públiku liuhosi mekanismu komunikasaun governu nian ba ninia sidadaun iha país ne’e. Tanba komunikasaun ne’ebe equilibru no balansu hosi atividades hotu ne’ebe mak halao hosi Governu nu’udar forsa vital no esensial tebes wainhira koalia konaba elementu estratéjiku ba prestasaun servisu. 

Wainhira  Governu oferese informasaun ho transparente, produtiva ho nia interasaun iha níveis xave konaba oinsa alkansa susesu iha futuru nasaun nian, ajuda ona ninia sidadaun hodi hatene konaba oinsa hatene situasaun atual iha qualquer governasaun ida ne’ebe deit. Ho komunikasaun ne’ebe diak bele sai alternativas iha prosesu hametin estrutura Governu nian wainhira ema hotu konsidera katak komunikasoens Governantes sira iha papel krítiku hodi desempeña prosesu tomak iha konstrusaun nasaun nian. 

Banku Mundial iha ninia relatoriu konaba Communication for governance and accountability program “ hateten katak kapasidade komunikasaun Governu laos deit konaba diseminasaun informasoens ne’ebe efisiente no efikaz. Maibe presiza mos kapasidade konaba ‘PROMOVE” informasoens nesesáriu maske insufisiente. Dispozisaun no kapasidade hodi hato’o ba sidadaun tenke kombinadu ho kapasidade hakarak atu rona sira nia problema hodi inkorpora nesesidades hirak ne’e iha prosesu balun no promove nafatin informasaun ba sidadaun katak tenke hamosu kunfiansa hosi fontes konfiáveis informasaun hirak ne’e.

Hanoin hosi Banku Mundia nian ne’e realmente atu hateten katak servisu komunikasaun Governu nian laos envolve deit hodi haruka mensajens persuasivas ba públiku, maibe presiza mos esplikasaun polítikas hosi servisu refere (take and give). Konsientiza direitus sidadaun liuhosi dezenvolve mekanismu ne’ebe permita komunikasaun bidiresional (duas parte) entre sidadaun ho Governu sei fo implikasoens pozitivu ba desizoens hirak ne’ebe governantes atu foti ba intereses públiku sei hamosu kumprensaun diak. Komunikasaun bidiresional hateten katak Governu ho públiku sei produz rezultadus governasaun ho qualidade ne’ebe sustentáveis. Ho nune’e prosesu konsultasaun konaba envolvimentu públiku labele atu akontese deit iha tempu eleisoens, krize ou questoens politika sira seluk. Governantes presiza iha kunsiensia no siente katak se sira la aplika maneiras komunikasaun efikazes , forsa opozisaun bele domina ajenda públika. Maneiras ne’e nu’udar solusoens hodi hatudu ba sidadaun katak Governu rona preokupasoens ne’ebe mak hasoru hosi kada sidadaun no ikus mai sidadaun mos hatene kontribuisoens ho tipu saida mak bele oferese hodi solusiona situasaun balun.

 

SAIDA MAK ITA PRESIZA  HALO HODI AJUDA PÚBLIKU SAI SIDADAUN INFROMADU.

Iha prátika, dezevolve politika komunikasaun Governu nian, laos deit sai feramenta hodi jere krize ou ativa iha prosesu hodi halo arkivu ba atividades temporariu sira, maibe envolve mos iha variedade elementus ne’ebe úteis, hanesan konsultasaun konaba elaborasaun polítikas, alkansa konsensu, konsientizasaun, mudansa ba komportamentu, promosaun konaba transparênsia inklui edukasaun sívika hodi hatene sosiedade ninia ideas balun.

Aktus ne’e hodi bele konsidera katak komunikasaun nu’udar atividades instituisoens ou organizasoens nian iha setor públiku ho ninia papel transmiti ou kompartilla informasoens, prinsipalmente ho ninia objetivu aprezenta no esplika desizoens no asoens governamentais, promove lejitimidade hosi intervensoens ne’ebe mak iha, defende valores komum no ajuda públiku hodi mantein lasus sosiais ne’ebe mak iha.

Ho nune’e wainhira ita entende atividade komunikasoens nu’udar inisiativas ne’ebe mai hosi instituisoens públikas ho ninia intensaun afavor ba interesse públiku, ita permite ona komunikasaun bidiresional entre Governu ho sidadaun. Hanesan diálogu, nu’udar pré-requisitu konaba partisipasaun sidadaun iha vida públika. Nune’e mos, komunikasaun hirak ne’e sai mos instrumentu konaba oinsa hodi formula polítikas hodi hamosu   konfiansa liuhosi meiu hametin komportamentus sidadaun hotu.

Governamentais sira tenke kumpriende katak komunikasaun laos ona lao ho modelu diskusaun ema nain rua nian deit maibe sai tiha ona diskusaun liuhosi involvimentu ema barak nian iha qualquer desizaun ba intereses komum nian. Ho tipu komunikasaun modelu ne’ebe involve ema barak, governu pozisiona kada indivídus sai ona forsa alternativas hodi influensia opiniaun públiku.

Ida ne’e importante tebes wainhira ita rekunhese valores fundamentais hosi administrasaun governu sentral konaba Estadu de direitu katak requere tebes komunikasaun efikasia liuhosi eleva konhesimentu sidadaun ba desizoens hotu ne’ebe refleta ba iha interese públiku nian. Tanba prinsipiu ida ne’e fundamentu tebes hosi papel komunikasaun governu nian konaba oinsa hato’o idéias no programas ba publiku ho klaru hodi alkansa obtivu ne’ebe planeada. Nu’udar parte prinsipal hosi tarefa governu nian mak tenke kuidadu ho linguasem pirante publiku hodi asegura nafatin bem-estar sosial públiku nian.

Ikus liu, wainhira governu aplika modelu komunikasaun ne’ebe apropriada, bazea ba qualidade dadus hodi suporta informasaun relevantes hirak ne’e liuhosi variedade kanal ne’ebe mak iha, questaun konaba falta de informasaun iha nivel públiku bele rezolvidu wainhira estratéjia hirak ne’e integra iha desizoens ne’ebe atu desidi ba interese públiku nian. Ho modelu ne’e, sosiadade sei iha kunfiansa ba dezenvolvimentu ne’ebe mak atu halao, tanba sosiadade hetan ona informasaun ne’ebe sufisenti nu’udar bukae ba sira hodi sai guarda rede ne’ebe diak ba ninia nasaun.

 

Renato da Costa

Tempotimor (Dili)-Deputadu husi bankada FRETILIN fó kritika maka’as ba governu Aliansa Mudansa ba Progresu (AMP) tanba konsidera alokasaun osan iha Orsamentu Jeral Estadu (OJE) 2020 barak mak tama sala kuartu (salah kamar).

Tempo Timor (Dili) - Transparansia sai nu’udar prinsipiu fundamental bainhira hakarak iha governasaun di’ak. Transparansia labele sai de’it nu’udar kompromisiu politika ida ne’ebé midar de’it iha ibun tutun, maibé tenke aplika duni iha realidade.

Page 1 of 7

Anunsiu

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com